11-son Bolalar Musiqa va San’at maktabining amaliy san’at bo‘limi bugungi kunda ikki yo‘nalishda — tikuvchilik va zardo‘zlik yo‘nalishlarida o‘z faoliyatini olib bormoqda. Mazkur bo‘limda jami 22 nafar o‘quvchi tahsil olib, milliy hunarmandchilik an’analari va amaliy san’at sirlarini puxta egallamoqda.

Amaliy san’at bo‘limi o‘quvchilari nafaqat dars jarayonlarida, balki maktabimizda o‘tkaziladigan tadbirlar, konsertlar va bayram kechalarida ham faol ishtirok etib, o‘zlarining mehnat va ijod mahsuli bo‘lgan noyob asarlarini namoyish etib, har bir tadbirda ko‘rgazmalar tashkil etib kelmoqdalar.

Shuningdek, bo‘lim o‘quvchilari online va offline tarzda tuman, viloyat, respublika hamda xalqaro tanlovlarda muntazam qatnashib, ko‘plab faxrli o‘rinlarni qo‘lga kiritib kelishmoqda, bu esa maktabimizning ijodiy salohiyati va obro‘sini yanada yuksaltirmoqda.

Amaliy san’at bo‘limi — o‘quvchilarda mehnatsevarlik, estetik did va milliy qadriyatlarga hurmat tuyg‘usini shakllantiruvchi muhim ijodiy maskan hisoblanadi.