11-son Bolalar Musiqa va San’at maktabining xoreografiya bo‘limi bugungi kunda 40 nafar iste’dodli o‘quvchini birlashtirgan ijod maskanidir. Ushbu bo‘limda o‘quvchilar milliy va zamonaviy raqs san’ati asoslarini chuqur o‘rganib, sahna madaniyati, ritm, plastika va ijro mahoratini muntazam ravishda rivojlantirib boradilar.

Xoreografiya sinfi o‘quvchilari maktabimizda o‘tkaziladigan tadbirlar, bayram kechalari va konsert dasturlarida doimo faol ishtirok etib, o‘zlarining yorqin chiqishlari bilan badiiy tadbirlarning ajralmas qismiga aylangan.

Bundan tashqari, o‘quvchilarimiz tuman, viloyat, respublika hamda xalqaro tanlovlarda muntazam qatnashib, ko‘plab faxrli o‘rinlarni qo‘lga kiritib kelmoqdalar. Ularning yutuqlari nafaqat bo‘limning, balki maktabimizning ham obro‘sini yuksaltirib, yosh ijodkorlarning kelajakka bo‘lgan ishonchini mustahkamlamoqda.